Արմենակ Եղիայեան՝ Այսպէս ալ կարելիէ է գրել (1, 2 ) - հարկ, յարկ

 

Արարատ», 2/12/23,  էջ 2-3 (1)

       «Այսօրուան գիտութիւնը կը ձեւաւորէ...» յօդուածի առթիւ

 

       --Մէկ հարկի տակ հաւաքուած են:

       Պէտք է ըլլայ՝ յարկի:

       Հարկ կը նշանակէ տուրք, հարկադրանք, ստիպում:

 

--Ներդնել ...

       Գործածուած է չորս անգամ:

       Պէտք է ըլլայ՝ ներդրել:

       Կը ներդնենք-ն ալ պէտք է ըլլայ՝ կը ներդրենք:

 

--Գիտահէն...գիտելիքահէն...

       Գիտահէն, գիտելիքահէն կը նշանակեն գիտութեան գող, աւազակ, ինչպէս...ծովահէն  կ’ըսենք եւ կը հասկնանք ծովերու վրայ աւազակութիւն ընող:

       Պէտք է ըլլան՝ գիտայեն, գիտելիքայեն...

       Այսինքն՝ գիտութեան եւ գիտելիքի վրայ յենած, հիմնուած:          

 

       --Այն պիւտճէով, որոնք նախատեսուած են...

       Պէտք է ըլլայ՝  Այն պիտճէով, որ նախատեսուած է...

       Այսինքն՝ պիւտճէով  եզակի, որ եզակի, է եզակի:

 

       --Փոքր վտանգով կարելի է հասնիլ մեծ արդիւնքի:

       Պէտք է ըլլայ՝ փոքր գրաւով կարելի է հասնիլ մեծ արդիւնքի:

       Այսինքն՝ փոքր ներդրումով կարելի է հասնիլ մեծ արդիւնքի:

 

       --Կարենանք հասնիլ այնպիսի ընկերութիւններ ունենալուն, որոնք իրենցբնոյթով պիտի ըլլան...

       Պէտք է ըլլայ՝   Կարենանք հասնիլ  ունենալու այնպիսի ընկերութիւններ, որոնքիրենց բնոյթով պիտի ըլլան...

 

 

Կարելի էր այսպէս ալ գրել (2)

       «Զարթօնք»,  9/12/23, «Թշնամին ի՞նչ գին պիտի պահանջէ»...

       

       ***Կարելի չէ, չուրախանալ

       ---Ստորակէտը աւելորդ ու սխալ է՝ «Կարելի չէ չուրախանալ»:

 

***Գերութեան դառն բաժակը ճաշակած

---Բաժակին համար կ’ըսենք ըմպած:

 

***Մետաղադրամին միւս կողմը...

---Մետաղադրամին կողմերը կը կոչուին՝

       --դիմերես՝ պատկերը կրող կողմը,

       --դարձերես՝  հակառակ կողմը:

 

*** Երկարաշունջ աշխատանք...

---Պէտք է ըլլայ՝ երկարաշունչ...

 

***44օրեայ

---Պէտք է ըլլայ՝ 44-օրեայ

Բաշդադտել առաջինին, որ հայեցի չէ, խառնափնթորութիւնը, եւ երկրորդինբարեկարգութիւնն ու յստակաութիւնը:

 

*** Իշխանութիւնները  իրենց իսկ հրապարակած յայտարարութեան մէջ... օգտագործած է կամ յօժարած է օգտագործել...

---Իշխանութիւնները՝ յոգնակի, կը պահանջէ յոգնակի բայ՝ օգտագործածեն...յօժարած են:

 

***Արդեօ՞ք այս պարագային, Սիւնիքը պիտի ըլլայ, մեր վճարելիք գինը...: 

---Այս նախադասութիւնը ստորակէտի չի կարօտիր:

Իսկ եթէ անպայման պիտի կէտադրենք, ապա ստորակէտերու մէջ պիտի առնուի«այս պարագային» բառակապակցութիւնը. սա՛պէս՝

    «Արդեօ՞ք, այս պարագային, Սիւնիքը պիտի ըլլայ մեր վճարելիք գինը»...:

Սակայն կրկնենք,  ստորակէտի չի կարօտիր: 

 

***Պիտի հատկացնէ...

---Կիրարկուած է երեք անգամ. պէտք է ըլլայ՝ յատկացնէ: 

 

***Աւելորդ կշիռքը կը բարձրացնէ փոքրիկներու գերճնշումը (22/11/23):

---Գերճնշումի բարձրացումին մէջ կշիռքը դերակատարութիւն չունի. ծանրութիւնն է,